رسول القمر
10-13-2011, 09:08 PM
القصيدة شعبية باللهجة العراقية الجنوبية
قصه وأرد اسولفها ...وانا واياك ما ننغر
مشيت بليل ادور اعليه..لكيته ضايع ويفتر
لكيته مطين ومبلول ومن الضيم متغير
ولفيته بجنح عصفور وزرعته بنصي وخضّر
وسكيته من مطر دنياي وزرعته وي الورد وازهر
وصعدنه اعله بساط الريح....وطرنه اعله الكمر وأكثر
وجم ليله نِضَل بالشارع معيدين تحت المطر، وتصور
عشك تحت المطر شيصير؟ لوح بلوح وتبسمر
ومسحت ادموعه من الخوف لان بالخوف يتوتر
وشاركني الحلم كل ساعه احلم بيه وشفت الحلم بيه يكبر
واذا لحظة تغير كله هذا وصار ذاك العشك متهستر
وصار المطر بيه بارود وكل اخضر بلحظة تحول لأصفر
وجنح عصفوري صار غراب ينعق بالشؤوم ينذر
لأن عينه اعله باب الجار وراح هناك يتعثر
وكع عد اول العتبه وكع من وكعته تكسر
اجيته أركاض اريده يكوم بلكت يستحي ومن ركضتي اتأثر
لكن..لكيته يباوع اليغاد بلكت مر حبيب وبلكي يتقشمر
غسلت ايدي غسل من فوك اعوج يضل ما فد يوم يتغير
اردت ان يقراها الاخوة العرب باللهجة العراقية
وساعمل على صياغتها باللغة العربية الفصحى
لمن لا يفهمها مع الود
قصه وأرد اسولفها ...وانا واياك ما ننغر
مشيت بليل ادور اعليه..لكيته ضايع ويفتر
لكيته مطين ومبلول ومن الضيم متغير
ولفيته بجنح عصفور وزرعته بنصي وخضّر
وسكيته من مطر دنياي وزرعته وي الورد وازهر
وصعدنه اعله بساط الريح....وطرنه اعله الكمر وأكثر
وجم ليله نِضَل بالشارع معيدين تحت المطر، وتصور
عشك تحت المطر شيصير؟ لوح بلوح وتبسمر
ومسحت ادموعه من الخوف لان بالخوف يتوتر
وشاركني الحلم كل ساعه احلم بيه وشفت الحلم بيه يكبر
واذا لحظة تغير كله هذا وصار ذاك العشك متهستر
وصار المطر بيه بارود وكل اخضر بلحظة تحول لأصفر
وجنح عصفوري صار غراب ينعق بالشؤوم ينذر
لأن عينه اعله باب الجار وراح هناك يتعثر
وكع عد اول العتبه وكع من وكعته تكسر
اجيته أركاض اريده يكوم بلكت يستحي ومن ركضتي اتأثر
لكن..لكيته يباوع اليغاد بلكت مر حبيب وبلكي يتقشمر
غسلت ايدي غسل من فوك اعوج يضل ما فد يوم يتغير
اردت ان يقراها الاخوة العرب باللهجة العراقية
وساعمل على صياغتها باللغة العربية الفصحى
لمن لا يفهمها مع الود